Joe Baxi

We were staunin fur ages
in the pishin rain
an ah wis freezin

She hud ma jaicket
draped over her heed
but ah wis soakin
an shiverin

Even a fag didnae
warm me up

An she says
this is just like Titanic
ah’m Kate Winslet an
you’re Leonardo Di Caprio.

Did he no die but? Ah said.

She laughed an said
ah love that film
but ah never said anythin,
just looked at ma watch
an wondered where
the fuckin
joe baxi wis.

Available to buy